கலை, அறிவியல் கல்லூரிகள் திறப்பு: மாணவர்கள் உற்சாகம்

கோடை விடுமுறைக்கு பின், கல்லூரிகள் நேற்று திறக்கப்பட்ட நிலையில், மாணவர்கள் பூங்கொத்து கொடுத்து ஆசிரியர்களை உற்சாகத்துடன் வரவேற்றனர்.

தமிழகத்தில், 62 அரசு கலை மற்றும் அறிவியல் கல்லூரிகள், 133 அரசு உதவி பெறும் கல்லூரிகள், 438 சுயநிதி கல்லூரிகள் செயல்படுகின்றன. இதில், லட்சுக்கணக்கான மாணவர்கள், கல்வி பயின்று வருகின்றனர்.

கடந்த மே மாதம், கல்லூரிகளில் தேர்வுகள் முடிந்து, கோடை விடுமுறை துவங்கியது. தற்போது, 65 நாட்களுக்கு பின், கல்லூரிகள் நேற்று திறக்கப்பட்டன. முதல் நாளில், ஆர்வமுடன் மாணவ, மாணவியர் கல்லூரிகளுக்கு சென்றனர். இரண்டு மாதம் பிரிந்திருந்த மாணவ, மாணவியர் ஒருவருக்கொருவர் உற்சாகமாக சுந்தித்து பேசினர். ஆசிரியர்களுக்கு, பூங்கொத்து கொடுத்து உற்சாகத்துடன் வரவேற்றனர்.