5 வருட ஒருங்கிணைந்த படிப்புக்கு விண்ணப்பங்கள் வரவேற்பு

நொய்டாவில் உள்ள கௌதம புத்தா பல்கலைக்கழகத்தில், இந்த கல்வியாண்டில் 5 வருட ஒருங்கிணைந்த இரட்டை பட்டம் வழங்கப்படுகின்றன. இப்படிப்பில் சேர விரும்பும்  தகுதியான மாணவர்களிடமிருந்து விண்ணப்பங்கள் வரவேற்கப்படுகின்றன.

வழங்கப்படும் படிப்புகள்:
பி.டெக்., + எம்.டெக்/எம்.பி.ஏ.,
கல்வித்தகுதி: விண்ணப்பதாரர்கள் பிளஸ் 2வில் (இயற்பியல், வேதியியல், கணிதம்) ஆகிய பாடப்பிரிவுகள் எடுத்து 50 சதவீத மதிப்பெண்களும், எஸ்சி, எஸ்டி., பிரிவினர் 40 சதவீத மதிப்பெண்களும் பெற்றிருக்க வேண்டும்.

ஆன்லைனில் விண்ணப்பிக்க: ஆன்லைன் வழியாக விண்ணப்பங்களை பதிவிறக்கம் செய்து கொள்ளலாம். விண்ணப்பக் கட்டணத்தை கிரேடிட் கார்ட், டெபிட் கார்ட், நெட் பேங்கிங் அல்லது வரைவோலை வழியாக செலுத்தலாம்.

ஆப்லைன் வழியாக விண்ணப்பிக்க: தபால் மூலம் விண்ணப்பிப்பவர் பல்கலைக்கழக வளாகத்தில் விண்ணப்ப படிவங்களை பெற்று, பொதுப்பிரிவினர் ரூ.1200ம், எஸ்சி, எஸ்டி பிரிவினர் ரூ.600ம் வரைவோலை எடுத்து இணைக்க வேண்டும்.

தேர்வு முறை: நுழைவுத்தேர்வு மற்றும் குழுக்கலந்துரையாடல் அடிப்படையில் தகுதியானவர்கள் தேர்ந்தெடுக்கப்படுவர்.
பூர்த்தி செய்யப்பட்ட விண்ணப்பங்களை ஏப்ரல் 27ம் தேதிக்குள் சமர்ப்பிக்க வேண்டும். மே 26 நுழைவுத்தேர்வு நடைபெற உள்ளது.
மேலும் விரிவான தகவல்களுக்கு www.gbu.ac.in என்ற இணையதளத்தை அணுகலாம்.