எஸ்.ஆர்.எம்., பல்கலையில் ஜூன் 1 முதல் கலந்தாய்வு

எஸ்.ஆர்.எம்., பல்கலையில், ஜூன் 1ம் தேதி முதல், இளங்கலை மற்றும் முதுகலை பட்டப்படிப்பிற்கான கலந்தாய்வு துவங்குகிறது. 

எஸ்.ஆர்.எம்., பல்கலை வேந்தர் டி.ஆர்.பச்சமுத்து கூறியதாவது: பொறியியல், தொழில்நுட்பம், மருத்துவம் மற்றும் சுகாதார அறிவியலுக்கான, இளங்கலை மற்றும் முதுகலை பட்டப்படிப்பு சேர்க்கைக்கான நுழைவுத் தேர்வு, ஏப்., 20, 21ல் நடைபெற்றது.

கடந்தாண்டு, 12 கோடி ரூபாய் உதவி தொகை, மாணவர்களுக்கு வழங்கப்பட்டது. இந்தாண்டு, 11 புதிய பாட திட்டங்களை அறிமுகப்படுத்தி உள்ளோம்; தமிழ் பாடல்கள் இயற்றுவது பற்றிய பாடத் திட்டமும் இதில் உள்ளது. பல்கலை மாணவர் பரிமாற்றம் திட்டத்தின் கீழ், வெளிநாடுகளில், 90 பல்கலைக் கழகங்களுடன் இணைந்து, இரட்டை பட்டம் பெறலாம்.

எஸ்.ஆர்.எம்., பல்கலையின் சேர்க்கை கலந்தாய்வுக்கு, 60 ஆயிரம் மாணவர்கள் அழைக்கப்பட்டுள்ளனர்; கலந்தாய்வு, ஜூன் 1 முதல், ஜூன் 8ம் தேதி வரை நடக்கவுள்ளது.

எம்.பி.ஏ., மற்றும் எம்.சி.ஏ., கலந்தாய்வு, ஜூன் 9ம் தேதியும், சுகாதார அறிவியல் திட்டங்கள் கலந்தாய்வு, ஜூன் 10ம் தேதியும், எம்.டெக்., சேர்க்கை கலந்தாய்வு, ஜூன் 23ம் தேதியும் நடைபெற உள்ளது. இவ்வாறு அவர் கூறினார்.